Aktuelle Informationen

Aktuelles

[Update vom 19.07.]

Leit, es seid's da Wahnsinn! s'Zelt steht scho, 15 Helfer war'n da! Vielen Dank an Alle!

Corona

[Update vom 16.07.]

Nachdem's zur Zeit koane staatlichen Vorschriften gibt, gelten aa für's Fest koane Einschränkungen oder a Impfpflicht.

Natürlich muass a jeder g'sund sei und deaf koa potentieller Krankheitsherd sei. Aber so schlau seid's sicher selber!

Wetter

[Update vom 19.07.]

s'Wetter is a auf und ab und bereitet mir scho seit Samstag schlaflose Nächte.

Mia stellen heit aufnacht auf jeden Fall des Zelt auf und verlegen den Zeltboden und hoffen s'Beste. Im schlimmsten Fall werd des Fest spätestens am Donnerstag Nachmittag abgesagt (verschoben), aber da woll' ma gar net dro denga.

Auf-/Abbau

Da Zeltaufbau erfolgt am Dienstag, 19. Juli ab ca. 16:00 Uhr.

Ja, des is a weng bald, aber mei.

I daad mi auf jeden Fall sakrisch g'frein, wenn möglichst viel fleißige Helfer kema daad'n.

[Update vom 19.07.]

Am Freitag ab Oans (13:00) stell ma de Bar, an Klowagen und de Bierzeltgarnituren auf. Mia doan s'Kabel verlegen, s'Feuer vorbereiten, de Plane abspannen und ois soweit vorbereiten. Auf jeden Fall daad i mi aa da wieder über viele fleißige Helfer freu'n.

Anfahrt

[Update vom 19.07.]

Klickt's hier für den Routenplaner. Sollten no Fragen besteh, helf i Eich gern weida.Es is halt doch a wenig abg'legn.

Parken

[Update vom 19.07.]

Anbei findt's Ihr den Übersichtsplan zum Parken.

Bitte parkt's alle Euer Auto auf'm P1 oder P2. Da wo ausg'maht is. Verursacht's ma bitte koan Flurschaden! Und bitte de Strass freihalten!

Ausnahme san de Gäste, die im mitgebrachten Zelt vor Ort übernachten! De nehmen bitte de gelbe Anfahrtsbeschreibung. Auch Wohnmobile parken bitte oben auf P1 oder P2!

Stanzn und Breman ("Gelsen, Mücken und Bremsen")

[Update vom 19.07.]

Auf Anraten vom Hausherrn, werd de Mitnahme von Anti-Brumm, Autan oder was sonst so für Hausmittel habt's, empfohlen. De Breman san ganz schee fad, Stanzn hat's eher koa.

Übernachten

[Update vom 19.07.]

Es ham se ja scho einige angekündigt, de im Zelt oder Auto übernachten. Sehr vernünftig!

Wie scho weiter oben beschrieben, könnt's Ihr Euer Auto direkt unten bei Eurem Zelt parken.

Achtung! Des gilt net für Wohnmobile! Dia san einfach z'schwaar!

Toilette
[Update vom 19.07.]

S'Klo befind't se oben beim Bauernhaus. is leider a weng zum Geh, aber es is wert! Der Weg werd beschildert.

Wem des z'weit is, der deaf se natürlich aa in der Natur erleichtern (kloan's G'schäft!). Ausnahmen davon san beschildert.

Fantasy Night

Des ultimative und Finale Maschgarafest

Aktuelle Informationen